Ако детето сака да продолжи
До крајот на бесплатниот период одлучувате дали детето ќе продолжи со програмата. Ако продолжи, петтата наставна сесија е првата платена.
Не се бара плаќање или потпишан договор пред платеното продолжување.
Два начина да започнете
Во Еверест можете да започнете со 4 бесплатни наставни сесии, за детето прво да го запознае начинот на работа во реална група, или со директен упис ако веќе сте сигурни дека сакате детето да ја следи програмата.
4 бесплатни сесии
Директен упис
УПЛАТА
0 денари
2.000 денари
НАСТАВА
Редовна
Редовна
СТАТУС
Пробен
Редовен
ДОГОВОР
Не се бара
Се бара
МЕСТО
Според расположливост
Приоритет при формирање група
4 бесплатни наставни сесии
Ова не е демонстративен час ниту посебна пробна група. Детето се приклучува во вистинска редовна група и четири последователни недели учествува во наставата заедно со останатите ученици. Во тој период местото во групата се чува за детето.
Четири недели се доволно долго детето да го запознае наставникот, динамиката на групата и реалниот начин на работа, а родителот да донесе посигурна одлука.
Еднократна можност
Правото на 4 бесплатни наставни сесии се користи еднаш по дете и не се повторува при секоја нова учебна година или промена на програмско ниво.
Директен упис
Ако не сакате да ги користите бесплатните сесии, можете веднаш да поднесете пријава за редовен упис.
Врз основа на одделението, термините што ви одговараат и расположливите групи, Еверест проверува каде има соодветно место за детето.
Откако ќе се утврди конкретна соодветна група и термин, родителот добива понуда за место и инструкции за уплата. Плаќање не се бара пред да се потврди дека постои соодветна можност за приклучување.
Кое ниво е соодветно
Основниот критериум е одделението, а кога е потребно се зема предвид и претходното искуство. Нов ученик може да започне и во Junior 2 или Intermediate 2 ако има соодветно предзнаење.
Нема формален приемен тест; наставникот проценува преку разговор и кратка проценка кога тоа е потребно.
Уписот не завршува во септември
Ако во соодветната група има слободно место, ученик може да се приклучи и подоцна во текот на учебната година.
Пред вклучувањето проверуваме што групата веќе има обработено и како најдобро да се организира приклучувањето.
Школарината при подоцнежно приклучување се намалува според бројот на наставни сесии реализирани пред вклучувањето.
ШКОЛАРИНА
Школарина за 2026/27
16.000 денари
8 рати × 2.000 денари
Плаќањето се врши преку банка.
Секоја рата од 2.000 денари покрива еден наставен циклус од 4 наставни сесии (8 училишни часа) и се плаќа однапред, пред почетокот на тој циклус.
ВО ШКОЛАРИНАТА
Што е вклучено
- 64 училишни часа настава
- Посебен лаптоп за работа, обезбеден од Еверест
- Потребен софтвер и лиценци
- Скрипти и наставни материјали
- Пасош на вештини
- Диплома
Што ако детето се откаже
Прекинот е едноставен и не создава обврска за идните наставни циклуси.
ИЗВЕСТУВАЊЕ
Родителот може во секој момент писмено да нè извести дека детето престанува со наставата. Известувањето може да се испрати и по е-пошта.
ТЕКОВЕН ЦИКЛУС
Ратата за тековниот наставен циклус се плаќа во целост, без оглед дали детето ќе ги посетува преостанатите сесии од тој циклус. Детето може да ја посетува наставата до крајот на тековниот циклус.
ИДНИ ЦИКЛУСИ
За идните наставни циклуси нема дополнителна обврска. Ако некоја идна рата е веќе платена однапред, таа се враќа.
Подготвени сте да започнете?
Изберете го начинот што најмногу ви одговара.
Повеќегодишна информатичка образовна програма во која децата преку проекти постепено развиваат широки и функционални дигитални компетенции.
© 2026 Еверест — Детска ИТ Академија / Марјановик Едукација