Детската IT aкадемија Еверест e уникатна образовна програма чија главна цел е да им помогне на децата да осознаат голем број различни професии на интересен и мотивирачки начин, со истовремено усовршување на компјутерските вештини и стекнување лични вештини.

Станува збор за тематски, проектно базирани активности во кои децата добиваат не само улоги од определена професија туку и предизвици од реалниот живот (прилагодени на нивната возраст) кои треба да ги решат. Така, решавајќи реални проблеми, освен што ќе стекнат компјутерски вештини, ќе се запознаат со различни професии подобрувајќи си ја самодовербата, способноста за критичко размислување и многу други лични вештини. За сето време учениците се поттикнуваат да истражуваат, бараат, откриваат, да го развиваат своето размислување и расудување, и стекнатото знаење да го користат за нивното добро и за општеството во целина.

Наставата на Детската ИТ Академија Еверест се одржува во текот на учебната година, организирана во две полугодија. Наставата во учебната година започнува на 21 септември 2026, а пауза во наставата има за време на зимскиот распуст.

Учениците следат настава според програма прилагодена на нивната возраст:

• PRIMARY– за деца на возраст од 6-8 години односно од 1 до 3-то одделение
• JUNIOR – за деца на возраст од 8-11 години односно од 3 до 5-то одделение
• INTERMEDIATE – за деца на возраст од 11-14 години односно од 6 до 9-то одделение
• SENIOR – за деца на возраст од 13 години и постари

Секоја од програмите составена е од по 6 до 8 проекти, со вкупен обем од 64 школски часа.

Наставата се изведува со физичко присуство, во училница во срцето на Скопје, под водство на искусни инструктори кои не само што се информатичари туку и имаат повеќегодишно искуство во работа со деца.

Наставата се изведува со динамика еднаш неделно по два часа од 40 минути, според однапред утврден распоред.

Школарината за Детската ИТ Академија Еверест во учебната 2026/27 година изнесува 16.000 денари а се плаќа на 8 рати по 2000 денари.

Со школарината се покриваат трошоците за:

• следење настава со обем 64 часа 
• работни материјали
• сертификати за успешно завршени проекти
• диплома за завршена програма

Учениците кои се запишуваат на Детската ИТ Академија откако учебната година ќе започне ги плаќаат само оние модули кои ги следат.

БОНУС: пристап до серија од онлајн курсеви за Word, Excel, PowerPoint и Outlook за сите членови на семејството на запишаниот ученик.

ПОПУСТ:  -10% за упис на 2 или повеќе деца од исто семејство.

ПЛАЌАЊЕ: Плаќањето се врши исклучиво онлајн, со електронско банкарство.

БЕСПЛАТНА ПРОБА: Можноста за бесплатна проба во траење од 1 месец (еден проект) се добива еднократно, во зависност од бројот на слободни места во групата.

Запишувањето на Детската ИТ академија се врши континуирано, во текот на целата учебна година. Иако наставата започнува во септември, учениците можат да се приклучат и подоцна, плаќајќи го само преостанатиот дел од школарината.

При уписот се потпишува договор за школување.