TechnoBudget

Финансиска писменост за деца

Во овој проект, децата ја развиваат финансиска писменост користејќи модел за решавање проблеми. Забавата започнува со тоа што учениците неочекувано (замислено) добивааат поголема сума пари и треба да испланираат како ќе ги потрошат. Со помош на Excel ќе креираат буџет и план за трошење, при што сите податоци ќе треба да ги организираат, пресметаат и графички прикажат. Потоа, употребувајќи Word, ќе треба да состават извештај за да ги оправдаат своите финансиските одлуки и да дадат увид во управувањето со парите.

Цели

Целите на курсот се:

• Да ги мотивира учениците од основно и средно образование да стекнат разбирање за парите и управувањето со нив.
• Да ги развие финансиската писменост и критичкото размислување преку решавање на реални животни проблеми.
• Да ги поттикне учениците да користат табели, графици и формули за организирање и анализа на податоци.
• Да ги научи учениците да донесуваат одговорни финансиски одлуки и да ги оправдаат со логичко објаснување.

По завршување на курсот, учениците ќе умеат да:

• Развиваат основна финансиска писменост и разбираат клучни поими како буџет, приход, трошоци, кредит и долг.
• Определат личен буџет и изработат план за трошење пари.
• Решаваат практични задачи поврзани со финансии и донесуваат информирани одлуки.
• Подготват извештај во кој ги оправдуваат своите финансиски избори.
• Организираат и анализираат податоци во табеларен (spreadsheet) формат користејќи повеќе работни листови.
• Креираат графикони (пита, столбести, споредбени) за визуелно претставување на финансиски податоци.
• Форматираат ќелии за подобра прегледност на информациите.
• Пресметуваат даноци, вкупни трошоци и прекумерно трошење со користење на формули.
• Применуваат условни формули (if-then), сортираат и филтрираат податоци за подобра анализа и одлучување.

Придобивки

• Подобрена способност за управување со парите: Управувањето со парите е важна животна вештина. Преку активностите во овој проект децата ќе стекнат основна финансиска писменост користејќи сценарио разбирливо за нивната возраст и ќе уживаат во креирање буџет и планирање на трошењето пари.
• Намалена одбивност кон математиката: Учествувајќи во активности кои се прилагодени на возраста, децата се поттикнуваат да ја користат математиката за решавање проблеми кои нив ги засегаат.
• Подобрена способност за визуелизација на податоци: Преку активности за графичко прикажување податоци како пита, колона и графикон, децата стекнуваат нова, мошне важна способност за визуелизација на податоците.
• Подобрена способност за критичко размислување: Организирајќи ги идеите, истражувајќи опции за купување, споредувајќи различни опции, размислувајќи за нивните планови и бранејќи ги своите одлуки, децата ја подобруваат способноста на критичко размислување.

Задачи

• Задача 1: Управување со пари
  Сфати ја важноста на буџетирањето. Оцени го твојот стил на управување со пари.
• Задача 2: Неочекувана добивка на пари
  Измисли практична причина за неочекувана добивка на пари. Воспостави буџетски категории.
• Задача 3: Откриј ги табеларните пресметки
  Работи со колони, редови и ќелии за да ги распоредиш податоците во работен лист.
• Задача 4: Пресметајте го твојот буџет
  Подели го буџетот во категории. Пресметај ги вкупните вредности со AutoSum.
• Задача 5: Создади пита графикон и измени го буџетот
  Анализирај го буџетот користејќи графикон. Распредели средства за исполнување на критериумите поставени за секоја категорија.
• Задача 6: Направи работен лист за план за трошење
  Креирај табела која пресметува даноци, ги следи вкупните вредности и користи условно форматирање.
• Задача 7: Планирај шопинг
  Определи ги предметите за купување со посета на онлајн продавници. Запиши информации во планот за трошење.
• Задача 8: Користи графикон за да го сумираш планот за трошење
  Создади графикон. Измени ги етикетите, изгледот, стилот и легендата. Разгледај ја распределбата на средствата.
• Задача 9: Список за проверка на табеларни пресметки
  Потврди ја содржината на буџетот, планот за трошење и листовите. Одпечати ја работната книга.
• Задача 10: Оправдај ги финансиските избори во извештај
  Подготви извештај што го објаснува буџетот и планот за трошење. Поддржи го расудувањето со графикони.

Технолошка интеграција: Бизнис студии, Јазични уметности, математика, визуелни уметвости

Технолошка вештина: Графика, табеларни пресметки, обработка на текст

Програма: Microsoft Excel, Paint, Word, Google Docs, Drawings, Sheets

Наставата се изведува:

• во училница, со физичко присуство, под водство на инструктор
• по однапред утврден распоред на часови